Logo for SMNE Solidarity Movement for a New EthiopiaContact usAmharic information
Humanity before Ethnicity

የሴቶችን መብት በማስከበር ለስልጣን ማጎናፀፍ” ልዩ ድጋፍ የሚሻ ጥሪ!


የአዲሲቷ ኢትዮጵያ የጋራ ንቅናቄ (አኢጋን) በድርጅት ደረጃ ምላሽ ስለሰጠን ምስጋናችን ከፍተኛ ነው።ተሳትፎውም ትልቅ ነው” በማለት ወ/ሮ ለምለም ፀጋው ተናገሩ።የአገራችን ግማሽ ህዝብ የሚሆኑትን ሴት እህቶቻችን ያልተሳተፉበት የአዲሲቷ ኢትዮጵያ ምስረታ ስኬቱ ያማረ እንደማይሆን፣ቢሆንም  ራሱን ለጥፋት እንደሚያጋልጥ አቶ ኦባንግ ሜቶ አስታውቀዋል።

የኢትዮጵያ ሴቶች ጉባኤ የህዝብ ግንኙነት ኮሚቴ አስተባባሪ የሆኑት ወ/ሮ ለምለም ይህን የተናገሩት “የሴቶችን መብት በማስከበር ለስልጣን ማጎናፀፍ” በሚል ርዕስ ከማርች ዘጠኝ እስከ አስራ ሁለት በዋሽንግተን ዲሲ በተካሄደው ስብሰባ አቶ ኦባንግ ያስተላለፉትን መልዕክት  አስመልክቶ በተለይ ለጋራ ንቅናቄያችን የመረጃና የህዝብ ግንኙነት ዴስክ በስልክ በሰጡት አስተያየት ነው።

አስራ ስድስት ድርጅቶች በስብሰባው ላይ ተሳትፎ እንዲያደርጉ መጋበዛቸውን የጠቆሙት ወ/ሮ ለምለም የአዲሲቷ ኢትዮጵያ የጋራ ንቅናቄ ብቻ በድርጅት ደረጃ ምላሽ መስጠቱን “ታለቅ ዋጋ አለው” ብለዋል።ለስብሰባው መሳካት ብዙ ወንድሞች በግል እገዛ ማድረጋቸውን የጠቆሙት ወ/ሮ ለምለም አጠቃላይ ስብሰባውን አስመልክተው መግለጫ እንደሚሰራጭ ይፋ አድርገዋል።አያይዘውም “የስደት ህይወት አክትሞ አገራችን የምንገባበት ወቅት ቅርብ ነው”በማለት በስደት ለሚሰቃዩ ወገኖች ተስፋቸውን ገልፀዋል።

የሰብአዊ መብት ተሟጋች እንዲሆኑ አያታቸው ከፍተኛ አስተዋፅኦ እንዳደረጉላቸው በመጥቀስ ለሴት እህቶቻችንና እናቶቻችን አስፈላጊው ክብርና ዋጋ ሊሰጥ እንደሚገባ በማሳሰብ መልዕክታቸውን ያስተላለፉት አቶ ኦባንግ “የሴቶች እህቶቻችን ያላሳፈረ የነፃነት፣የሰላምና የብልጽግና ባቡር ከታሰበለት የነፃነት ጣቢያ መድረስ ይችላል?”በማለት ጠይቀው “ፈጽሞ አይሆንም” ሲሉ ምላሹን ሰጥተዋል።ስለዚህም አብሮነት እጅግ አስፈላጊ በመሆኑ “አብረን ለመስራት ዝግጁ ነን”ሲሉ መልዕክት አስተላልፈዋል።

የጋራ ንቅናቄያችን ዳይሬክተር ሴት አያታቸው አሁን ለደረሱበት የሰብአዊ ተሟጋችነት ትግል ታላቅ አርአያና መነሻቸው መሆናቸውን በማስታወስ፣ የመልካም ስኬት ምኞታቸውንና ልባዊ ክብራቸውን በማካተት ለተሰብሳቢዎቹ የላኩትና  በንባብ የቀረበው መልዕክት ሙሉ ቃል እንደሚከተለው ይነበባል።